بدور عليها

مش عارف اشوف غيرك ولا اتخيل معايا حد الا انتى
تعبان فى حياتى وانتى السبب اصلك دايما انتى حبى
عرفت قيمتك بعد مسيبتك وادينى بدور تانى على قلبى
منين اجيبك واعرف طريقك حد يقولى انا خلاص هموت نفسى
عشت معاكى احلى ايام وخلتينى اعرف ازاى اكون انسان
فيكى الرقه والطيبه والحنيه
واحلى بنت فى الدنيا ممكن تشوفها عنيا
فيكى الامل والحياه اللى خلانى احب الدنيا
وسبتك غصب عنى بسبب ضعفى
ضعفى لما قولتى نتجوز ومش بايدى ولا بخاطرى
قولت يمكن الايام تجمعنا اصله حب حقيقى وربنا هيجازينى
اتارى الايام خاينه وتوهتك عنى وروحتى
قولت احب غيرك اصل الزمن مش هيقف على واحده
كل بنت اشوفها الاقى صورتك ادامى وعيونك اللى سحرانى
واسمع صوتك انتى وبضحكتك اللى دايما كانت عجبانى
اروح لغيرها الاقيكى برضه بتكلمينى وبكلامك الحلو تاخدينى
طب اعمل ايه فى نفسى وقلبى منا بجد مش قادر انساكى
دموعى شافها كل الناس وعرفوا قصتى معاكى
بس انتى بس اللى بتحسى بيا وفينك يا اعز الناس تهونى عليا
فينك تمسحيلى دموعى وبلمسه واحده من ايدك تشفيلى جروحى
محتاجلك والله ونفسى اشوفك او اسمعك
محتاجلك ومحتاج لقلبك وحبك وعمرى تانى مهضيعك

17 Response to "بدور عليها"

  1. just waiting says:
    28 أبريل 2010 في 8:40 م

    احنا كدا دايما مبنعرفش قيمة الحاجه غير لما بتضيع مننا
    كلامك حلو قوي يامحمد
    ربنا يوفقك

  2. مهموهة أحمد says:
    29 أبريل 2010 في 2:19 ص

    محمد و الله بجد انا كل يوم بيزيد احترامي لكلامك
    ماشاء الله عليك و الله

    خليتني اعيش الكلام بجد
    و قلبي وجعني و انا بقرأه

    ممتاز يا محمد
    انا بيتهيقلي هيكون ليك مستقبل كبير اوي في الكتابة

    ربنا يوفقك يا رب في المجلة كمان لغاية ما توصل لنوبل في الادب
    ههههههههههههههههههههههه
    وسعت شوية مني دي ؟؟؟
    مش كده ؟؟؟
    و ايه يعني هي الاحلام بفلوس؟؟؟
    كل ببلاش
    ربنا يوفقك يا رب
    بس لما تشتهر خليك فاكرنا يعني
    هههههههههههههه

    خالص تحياتي و تقديري

  3. مجرد انسان says:
    29 أبريل 2010 في 2:21 ص

    شكرا ليكى يا نهى وعلى مرورك
    ومتنسيش تجيبى مجلة احنا يوم السبت عشان ليا فيها حجات كاتبها
    مره تانيه شكرا على كلامك الجميل

  4. مجرد انسان says:
    29 أبريل 2010 في 2:26 ص

    مهمومه
    مها انتى كلامك زى العسل زيك والله وبجد بشكرك من قلبى على كل حرف وكل لحظه اهتميتى فيها
    ومتقلقيش انا مهما كبرت صغير يعنى مش هنساكى بعد الشهره والكلام ده هههههههههه
    لا بجد الناس الحوه عمرها متتنسى ابدا زيك يا مها
    وبعدين اللى بكتبه هيجى جنب كتاباتك انتى ايه
    انتى بجد عندك موهبه جامده جدا
    وكلامك جميل ودى مش مجامله والله
    عموما ليكى منى كل تقدير واحترام يا مها

  5. well says:
    29 أبريل 2010 في 7:31 م

    المشاعر شئ بيتعب

    تحياتى

  6. sweet angel says:
    1 مايو 2010 في 3:00 ص

    كلماتك جميله وبسيطه

    ربنا يجمعك بمن تحب

  7. مجرد انسان says:
    1 مايو 2010 في 5:56 ص

    well
    متشكر لحضرتك جدا على مرورك ويا رب متكونش المره الاخيره

  8. مجرد انسان says:
    1 مايو 2010 في 5:57 ص

    sweet angel
    متشكر ليكى جدا على مرورك الكريم
    ويا ريت متكونش المره الاخيره
    شكرا مره تانيه

  9. داليـ ـ ـ ـ ـ ـ ــــا says:
    1 مايو 2010 في 10:34 ص

    لو دى مشاعر حقيقيه
    يابنى متترددش فيها ولو هى لسه حره وملك نفسها روح لها روح وقلها كل ده

    انتا حاولت تحب غيرها لكن مقدرتش ولو حاولت ترتبط هتظلم البنت الا هترتبط بيها معاك

    بجد لو روحت وقلتلها كده وهى بتحبك فعلا هتنسا كل شيئ عملته فيها غصب عنك

    تحياتى والبوست القادم
    تكتب انك قلتلها

  10. مجرد انسان says:
    1 مايو 2010 في 2:40 م

    داليا
    متشكر على مرورك الجميل وبجد شكرا على كلامك
    واتمنى انها متكونش المره الاخيره فى دخولك عندى

  11. حلمى البعيد says:
    4 مايو 2010 في 12:46 م

    جميله جميله
    تسلم الأيادى والإحساس
    ربنا يوفقك ويسعدك
    أسعدنى مرورك بمدونتى المتواضعه
    وأسعدنى أكتر
    زيارتى مدونتك الرائعه
    تحياتى

  12. مجرد انسان says:
    4 مايو 2010 في 6:17 م

    حلمى البعيد
    انا اللى بجد متشكر على مرورك الرائع وكلامك الرقيق
    وبجد مدونتك جامده جدا
    مع تمنياتى بالتقدم دائما

  13. BNT ELISLAM says:
    5 مايو 2010 في 12:55 ص

    السلام عليكم ورحمه الله وبركاته
    كلام جميل اوى واحساس رائع

    ومدونه جميله

    اتمنى لو تشرفنى
    http://www.h-fawzy.blogspot.com/

  14. ساسو says:
    20 مايو 2010 في 5:36 ص

    ياسيدي يا سيدي علي الكلام الجميل
    اقولك ايه غير انك مبدع وفنان اوي
    وبجد كلماتك بتقول كل اللي جوانا
    كلمات حقيقيقه جد واحساسك عالي وجميل
    دمت بكل خير يا صديقي العزيز

  15. مجرد انسان says:
    20 مايو 2010 في 7:45 ص

    ساسو
    ربنا يخليكى على كلامك الجميل ده
    والله كلك زوق وانتى اللى مبدعه وفنانه والله
    ربنا يدوم الود دايما وميحرمنيش من زيارتك ليا

  16. غير معرف Says:
    22 أكتوبر 2010 في 4:51 ص

    ياخي انا سعودي وصراحة بدون مجامله اكره الشعب المصري كاملآ ولو بيدي ابيدهم من السعوديه والله صارت السعوديه اكثرها مصريين...عمومآ تحياتي لك واتمنى لك التوفيق في اكتشاف حقيقة حكومة مصر اليهوديه..
    نواف الاحقاقي
    NAWAF2064@HOTMAIL.COM

  17. metaeb says:
    11 يوليو 2011 في 5:02 ص

    بجد بجد كلام جميل ونفس الحاله ال انت فيها انا بعشها طب حد يقولنا نعمل ايه عشان خلاص مش قادر والله

إرسال تعليق