مصر بخير


مش عارف ابدء حكايتى ازاى ومنين
مش عارف ابكى ولا اضحك ولا افضل مبرء وسرحان ودماغى مشغوله
قابلت كتير وشوفت كتير منهم الكويس ومنهم الشرير
شباب بيعمل كل اللى عايزه من مخدرات وحب فى البنات واسف عى كلمة حب
اصل كلمة حب معناها اتغير اليومين دول
الولد يحب البنت فبيدخلوا فى علاقه واصبحت علاقه مفتوحه زى الامريكان يعنى كانهم متجوزين بالظبط
فى الاول استغربت من الظاهره دى بس من كتر ماهى بتحصل اتعودت عليها خلاص وبات شىء عادى
زى المخدرات من كتر الناس اللى بيشربوها اصبح ان اى حد بيشربها عادى جدا معملش المستحيل هو
وايام بتعدى من حياتنا وممكن جدا نقابل مواقف زى دى من علاقات ومخدرات وغيره
لكن قابلنى موقف خلانى بجد مش عارف افكر وعنيا كان لازم تدمع
شوفت بعينى ام وبنتها مع شباب فى شقه مع الرقص والمخدرات والباقى اللى لازم تفهموه
عمرى ما كنت اتخيل انى اشوف حاجه زى دى
ام وبنتها وادام بعض بيعملوا كده
مش غريبه شويه
بيتهيالى لو كنا فى امريكا مكنش ده يتصدق بس ده فعلا اللى حصل
لما تشوف ده بعينك او حد يقولك عليه وتصدقه يخليك تقول لنفسك
ليه وازاى احنا فين
وده اللى قولته لنفسى
وده اللى خلانى ادمع وخلى اديا تترعش وهيا بتكتب
ابص للام الاقيها بتضحك ومبسوطه باعدة الانس ابص للبنت الاقيها متكيفه ماهى اعدة حظ
قربت منهم الاقيهم زى الاصحاب ممكن يتكلموا فى اى كلام قبيح ادام اى حد
استغربت لما شوفتهم كده بس استغرابى راح لما دخلت الام الاوضه مع شاب وهى بتقول لبنتها
انا هظبط نفسى باه وبنتها تقولها وانا هحصلك
احنا فين يا جماعه وفين دينا وفين اخلاقنا
ده لو حيوانات مش هيعملوا كده
وصل بينا الحال ان يحصل فى بلدنا كده
وصل بينا الحال اننا نشوف او نسمع قصه زى دى
بس القصه دى مخلصتش لانى قربت اكتر من البنت بعد مدخلت امها تظبط نفسها
وسمعت منها كلام منه اللى ينفع حكم ومنه اللى لازم يتحذف
قالتلى انا وعيت على الدنيا لقيت امى كده وحسيت ان الموضوع ده عادى
امى عمرها محسستنى ان ده غلط او حرام
حاجه بتجيب فلوس يعنى شغل ومن ناحيه تانيه ده كيف ومزاج
فسالتها وعرفتى الصح دلوقتى من الغلط
جاوبتنى وحسيت فى صوتها بالحزن وعنيها قربت تدمع
لما اختلطت بالناس وشوفت حياتهم ونظرتهم ليا فى الوقت ده عرفت الصح من الغلط
بس بعد ايه فكك خلينا فى الغلط الغلط حلو ومزاج
يا ترى الدنيا مخبيه ايه لسه
يا ترى لسه هنشوف ايه اكتر من كده
لو حد كان حكالى القصه دى مكنتش هصدق
لكن شوفتها بعنيا وعشتها ويا ريتنى ما شوفتها
ام بتضيع بنتها وبتضيع شرفها وبتبيعه لاى حد ممكن يشترى
مش تقريبا الشرف ده اللى كان اغلى حاجه عند البنت امال ايه اللى حصل
اسال مين واقوله فيه ايه
اسال مين واقوله ايه اللى بيحصل ده
حرام ولا حلال اكيد حرام بس البنت اللى ملقتش حد يعرفها الصح من الغلط تعمل ايه
تتوب ازاى وامتى
وامها اللى بتعمل كده عشان تعيش تعمل ايه
قصه متتنسيش وتخلى الدماغ تسرح بعيد
بس ده الواقع ودى حقيقه
حقيقه تخلى الكل يقول ربنا يسترها
حقيقه تخلى الكل يقول مصر بخير

5 Response to "مصر بخير"

  1. مهموهـــــــة says:
    21 أبريل، 2010 12:22 ص

    محمــــد يا دماغ
    ايه ده يا ابني
    انت بتجيب القصص دي منين بس ؟؟!!!
    بس تعرف كل قصة بتكتبها فعلا واقعية و بتحصل في زماننا ده
    على فكرة انا مش بحب اشتم الزمن زي الناس
    لانه ربنا قال فيما معناه لا تسبوا الدهر فإنه انا الدهر
    لكن هنقول ايه الحاجات الوحشة كترت حوالينا و ده طبيعي و كلها من علامات الساعة خلاص
    كل اللي نقدر نقوله ربنا يرحمنا برحمته الواسعة يا رب
    و يرضى عننا
    و الاهم يحفظنا من شرور الناس

    بجد انت عبقري يا محمد

    خالص تحياتي و تقديري

  2. مجرد انسان says:
    21 أبريل، 2010 5:35 م

    ربنا يخليكى يا مها على كلامك الجميل ده
    انتى اللى بجد انسانه جميله ورقيقه وتستاهلى كل خير والله واتمنالك التقدم دايما والسعاده

  3. Just waiting says:
    22 أبريل، 2010 4:17 م

    هي كل حاجة في الدنيا دلوقتي بقت موجودة وللاسف عادي
    بس انا عايزة اعرف هي القصص دي فعلا حصلت ولا دا من نسج خيالك
    لان لو حصلت بجد يبقى انا مش عايشة في المنصورة

  4. مجرد انسان says:
    22 أبريل، 2010 4:34 م

    شكرا على مرورك الكريم يا نهى
    وبالنسبه للقصص فمعظمها من خيالى
    بس القصه دى مصر بخير فهى قصه واقعيه جدا وحقيقيه
    وشوفتها بعينى
    انتى بس عشان طيبه مش مصدقه ان ده ممكن يحصل سواء فى مصر او المنصوره بس للاسف هى دى الحقيقه
    بشكرك مره تانيه على مرورك ويا رب متكونش المره الاخيره

  5. Just waiting says:
    28 أبريل، 2010 2:27 م

    شكرا يا محمد وانا مستنية بجد تبعتلي على الميل اللي انت محتاجه

إرسال تعليق