مجرد انسان

بحبها ومش عارف اقول غير انى بحبها
بحبها وصعب عليا انى كنت اقولها
جربت كتير واتكسرت بعيد عنها
وقسيت فى بعدها وكنت بتمنى قربها
لقيت فيها كل اللى بتمناه فى اى واحده
لقيت فيها اللى كنت بقول مستحيل القاه
صارحتها وقولت بحبك ورزقى على الله
وبكسوفها اثرتنى وخجلها اللى معدش موجود
وكلامها الرقيق اللى بيوصل للقلب من غير تدقيق
خلتنى احب الدنيا بعد كره وعتاب
خلتنى ابص للمستقبل بعد ما قولت خلاص ضاع
خلتنى اقول بحبك بعد ما حلفت انها سراب
خليكى معايا وحبينى زى مبحبك
خليكى معايا ده مفيش غيرك هقوله بحبك
صدفه جمعتنا وكانت احلى صدفه
وقدر بيحاول يجمعنا من غير حتى اتفاق
نستينى كل اللى عشته من اوجاع واوهام
وخلتينى اقول هى دى بجد معنى الحياه