قرار

كل حد اكيد مر عليه الوقت اللى حس فيه بالملل من الكتابه
انا مريت بيها كتير اوى
لكن المره دى غير كل مره خالص
المره دى اخدت قرار انى مكتبش خالص لفتره طويله معرفش هتكون اد ايه
فتره همتنع فيها عن الكتابه لحد ربنا ميظبط امورى وارجع تانى عندى المقدره على الكتابه
والقرار ده مش هطبقه هنا بس لا ده كمان بالنسبه للمجله همتنع عن الكتابه فيها
سامحونى لو مدخلتش على مواضيعكم الجديده او قولت رايى
بس تاكدوا انى هشوف كل جديد عندكم لانى بجد خرجت من عالم المدونين ده بناس كويسه جدا
ومهما غبت مش هقدر اغيب عن الناس دى
يمكن يكون قرارى غلط بس فعلا محتاج الوقفه دى لاسباب كتير اوى
يا رب اسمع خير عن كل حد عرفته من عالم المدونين وتكونوا دايما فى تقدم ورقى
طولت عليكم بس سامحونى واسمحولى اقول كلمه اخيره
هتوحشونى بجد















12 Response to "قرار"

  1. داليـ ـ ـ ـ ـ ـ ــــا says:
    28 مايو 2010 في 8:22 م

    التحديث عندى قلى مجرد إنسان بيقول واخد قرار
    قولت بسرعه روحى شوفى قراره يمكن قرر يتجوز
    اجى الاقى القرار ده معقوله
    كلنا فعلا بنمر بحالات زى دى وصحيح انا لسه جديده ومجربتش اسيب التدوين بس ده قرار صعب اوى
    طيب قول شهر اتنين
    انما دانتا فاتحها على الرابع وزى ما تيجى تيجى
    ليه بس كده ياأستاذ محمد
    تحرمنا من كتاباتك وكمان تحرم المجله منها هو علاء عداك ولا ايه
    هو كمان غيبته طولت
    شكلكم اتلميتوا على بعض هههههههههه

    لا بجد لا تحزم الموقف وتاخد فترة نقاهه وتقول المده اد ايه انما تسيبها مفتوحه كده ميصحش

    منتظرينك

  2. ساسو says:
    29 مايو 2010 في 12:49 ص

    مالك يا صديقي في ايه
    قرارك دا ليه
    ياريت تكون بخير
    وأنا بردك بقول انت غبت عن جديدي ليه
    اجي ألاقي القرار الصعب دا
    ليه كده مالك
    انت بقي اللي عايز تحرمنا من ابداعاتك
    لأ بجد راجع نفسك والغي القرار الصعب دا
    وقريب أوي ألقاك كاتب جديد مفرح
    بتمنالك مستقبل كالورود
    ويارررررررررريت متطولشي الغيبه
    لأن بجد كلامك وحشنا

  3. غير معرف Says:
    29 مايو 2010 في 3:11 ص

    صباح الخير

    قرارك صعب علينا

    تغيب عننا فتره؟

    يارب تكون بخير .

    طمنا عليك طيب كل فتره كدا

    كلنا بنمر بأوقات ملل فى حياتنا ويارب مش تطول معاك كتير

    بجد زعلتنى

    يارب يكرمك ويسعدك

  4. مهموهة أحمد says:
    29 مايو 2010 في 12:59 م

    محمد انا زعلت اوي من القرار ده
    بس صدقني مش هقولك راجع نفسك و ارجع علشان خاطري و الكلام ده
    لاني مهما قولتلك او غيري قالك
    مش لازم نؤثر على قرارك ده
    لان لازم فعلا تاخد وقفة مع نفسك و ترتاح و تعرف الصح من الغلط
    بس بردو اتمنى انك ما تغيبش عننا
    لانك بجد اخ غالي اوي اوي اوي و بجد انا بحترمك اوي
    ربنا يعزك و يوفقك يارب

    اتمنى الفترة دي ما تطولش يا اخويا الغالي

    خالص تحياتي و تقديري

  5. ليله شتاء says:
    31 مايو 2010 في 2:43 ص

    ان شاء الله تكون فترة وتعدى وتعود بأكثر ابداع ان شاء الله

  6. just waiting says:
    2 يونيو 2010 في 1:53 م

    انا كنت جاية بس اقولك صباح الفل
    بس بعد القرار دا هقولك صباح اللي بتغني
    ليه كدا بس يامحمد
    بس ان شاء الله فترة وتعدي

  7. ساسو says:
    5 يونيو 2010 في 6:18 ص

    كل دا غياب
    لا لا مش معقول كده
    يالا بقي يا صديقي ارجعلنا تاني

  8. غير معرف Says:
    8 يونيو 2010 في 3:46 ص

    صباح الخير

    غبتك طولت

    مش كفايه كدا

    المهم يارب تكون بخير
    بس ادخل كدا المدونه وطمنا عليك

    تحياتى

  9. مجرد انسان says:
    9 يونيو 2010 في 5:27 م

    مفيش ولا كلمة شكر تقدر توصف اللى عايز اقوله
    بجد انتم احلى اصدقاء وبشكركم من كل قلبى
    وانا والله متابع كل بوست ليكم سواء اللى بيدخل عندى او اللى مش بيدخل
    انا كويس الحمد لله واتمنالكم كل خير من قلبى لانكم بجد تستاهلوه
    ان شاء الله اقدر ارجعلكم قريب لو فيه نصيب

  10. غير معرف Says:
    17 يونيو 2010 في 11:56 ص

    يامجرد انسان
    الحمد لله انك كويس وانك طمنتنا عليك برسالتك .
    ويلا ارجع بقا

    يارب تكون بخير وتعدى من اى ظروف أى ان كانت.. بخير ان شاء الله

    تحياتى وتقيرى لشخصك

  11. entrümpelung wien says:
    26 سبتمبر 2012 في 2:07 ص

    شكرا لكم .. دائما موفقيين ..))
    entrümpelung
    entrümpelung wien

  12. غير معرف Says:
    4 أكتوبر 2013 في 1:05 ص

    طيب مشش حاسس ان كدة كفاية ؟
    اتمنى انك تكون بالف خير وكمان البلد يارب حالها يتعدل بقى
    الف سلامة.... انثى

إرسال تعليق