عندما تحب المرأة

الحب كلمه ينطق بها الكثير سواء كانوا يعنون ذلك ام لا
لكنى اتحدث على من يحب حب حقيقى ويعيش قصته بفرحه وحزنه بكرامته وزله
فالرجل عندما يحب فهو يحب من اعماق قلبه ويعيش ليحلم ويرسم ويخطط لحبه
الرجل عندما يحب حينها يعرف معنى السعاده وليس ببخيل فى تلك السعاده بل انه يغمر من حوله بسعادته تلك
الرجل حينما يحب يكون حكيما فى حبه فلا يفقد عقله او يكون هوائيا بل يمده حبه بتريس وهدوء
ولكن مع كل ذلك كان هناك المراه  المراه التى اسمحولى انا اسميها فى الحب بالجباره
نعم جباره
فالمراه حينما تحب يكون هذا الحب جزء منها لا يتجزء ابدا
مخلصة لابعد الحدود لحبيبها وتعمل حساب لمجرد النظره
رقيقة فى حبها فاقل شىء يجرحها وبالمقابل تكون هى ايضا تحافظ على مشاعر الاخر
رومانسيه فى حبها فهى لا تمانع ابدا فى التفكير فى حبيبها ليل نهار على عكس الرجل تماما
ولكن كان هناك شىء جعلنى اتعجب كثيرا حينما تاملت به
الا وهو حب المراه وفقدانها لعقلها وحكمتها
فعندما تحب من قلبها فيكون عندها استعداد كامل للتضحيه باى شىء فى سبيل من تحب
مستعده لتواجه اشد الصعاب لحماية ونيل حبها
من سن المراهقه وهى تحب وتعيش الحب كاملا وتبكى وتفرح وتخلص ولو شعرت بالخيانه او بالخطر فسوف تقاتل او تموت بكائا
تخرج من سن المراهقه لتجد نفسها فى عالم اوسع وتحاول ايجاد حبها
وحينما تجده تظهر مميزاتها هنا ايضا من اخلاص وحب
ولكن ما ادهشنى حقا هى مسالة حب المراه المتزوجه لرجل اخر
فهى خيانه ولكنها تحبه بل انها على اتم استعداد لشن حرب كامله لحصول على حبها هذا
فهناك من تهرب مع عشيقها وهناك من تطلب الطلاق بل هناك من تقتل زوجها لتفضل مع حبيبها او عشيقها
اليس هذا بشىء غريب؟
غريب ومرعب فى ذات الوقت
انى ارى حب المراه هذا كالكارثه
فلك ان تتوقع اى شىء حينما تحب
فلك ان تخاف من اى شىء حينما تحافظ على حبها
مخلوق جميل ورقيق ولكن غدره كالدمار الشامل
مخلوق عظم الله كيده فى قرانه
لا اقول ذلك كرها او اساءه بل تعجبا لتلك المراه التى تفعل المستحيل فى سبيل الحب
التى تبيع الدنيا فى سبيل الحب
ربما اكون مخطئا لكنى على يقين من اتقان المراه فى حبها
على يقين بانها غير الرجل تماما
الرجل الذى يفكر بعقله وليس بقلبه


حقوق النشر محفوظه للمجله

22 Response to "عندما تحب المرأة"

  1. ساسو says:
    24 مايو 2010 في 12:33 ص

    أولا بحييك علي كل كلمه كتبتها لانها بجد جميله ودا العادي بتاعك طبعا
    كل كتاباتك ممتعه الي أبعد الحدود
    بس بقي انا هقولك حاجه المرأه انتوا ممكن تبقوا بتظلموها كده لأن المرأه لما بتحب بتبقي مخلصه جدا وزي ماقولت بتضحي بحاجات كتير علشان حبيبها
    وبتسعده جدا وهي ممكن تكون مخلصه عن الرجل
    لكن في حاله الزواج لأ انا مش موافقه علي كده ابدا لأن لما تكون متزوجه وتحب شخص تاني غير زوجها تبقي دي فعلا خيانه ودي بقي تبقي هتعيش طول العمر كده كل ماتقابل واحد تحبه وتسيب اللي قبله
    لأ النوع ده انا بكرهه جدا
    لكن المرأه الطف شيئ في الكون وكل الصفات الحلوه فيها

  2. مهموهة أحمد says:
    24 مايو 2010 في 2:36 ص

    رااااااااااااائعة يا محمد و الله
    بجد عايزة الموقع الالكتروني بتاع المجلة دي علشان حابة اتابعها
    اول ما قرات العنوان اصلا قلت اكيد ده من المجلة
    شوفت بقى كل لبيب بالاشارة يفهم
    هههههههههههههههههههههه

    بجد رائعة و الله و فعلا معاك حق
    مش هدافع عن الستات
    لكن فعلا معاك حق
    اكيد انت ما اتكلمتش عن كل الستات
    لكن اكيد فيهم كده و فيه كده
    لكن انا بحب اللي يحب سواء رجل او امراة انهم يحبوا بعقلهم و قلبهم
    مش الراجل عقل بس
    و الست قلب بس
    لا اكيد لازم نستخدم الاتنين و الا ربنا كان خلق الراجل بعقل من غير قلب
    و كان خلق الست بقلب من غير عقل
    ايوة فعلا هن ناقصات عقل و دين
    لكن بردو مش للكل
    كلامك جميل اوي و بجد مبدع

    يا ريت تبقى تبعتلي تعليق علشان اعرف هتطلع امتى في التليفزيون علشان اتفرج على الحلقة

    خالص تحياتي و تقديري

  3. غير معرف Says:
    24 مايو 2010 في 2:59 ص

    صباح الخيرات

    ساسو....... فى البوست مفيش أى ظلم للمرأه بالعكس مجرد انسان وصف حالة المرأه فى قمة حبها ووصفها وصف صحيح

    المرأه فعلا متقنه فى حبها

    فهى غير الرجال تماما فى عطاؤها وحبها

    وهى تفكر بقلبها وتلغى عقلها

    وتضحى من أجل حبيبها مهما تكون العواقب

    المرأة خلقت من أجل الرجل وهى من غيره لا تكون

    وطبعا مقدرش أطبق العموميه على جميع بنات حواء
    لان فيه كتير منهم بيلغو قلبهم ويفكرو بعقولهم وأنا مش بحب النوعيه دى

    مجرد انسان.... وصفك دقيق لبوست عندما تحب المرأه

    أنما بخصوص الموضوع التانى وهو حب المرأه المتزوجه لغير زوجها فلا استطيع الحكم غير ان أقول واتكلم عن الموقف نفسه والظروف اللى اتحطت فيها الزوجه لفعل هذا الجرم ولماذا قلبها دق لرجل غير زوجها . ولماذاااااااااااااا؟؟؟

    اه انا مع ساسو فى رأيها بس لازم نلتمس الاعزار بطلبها الطلاق والابتعاد


    راجعه تانى الموضوع جميل بجد

    تحياتى

  4. ليله شتاء says:
    24 مايو 2010 في 5:40 ص

    السلام عليكم
    جيرالدي قائل : مأساة الحب تتلخص فى ان الرجل يريد ان يكون اول من يدخل قلب المرأة والمرأة تريد أن تكون أخر من يدخل قلب الرجل

    وشكسبير قائل : الحب يمكن أن يحول وحشا لأنسان والانسان لوحشا فأحذر!

  5. just waiting says:
    24 مايو 2010 في 5:41 ص

    الحب جزء من حياة الرجل وكل حياة المرأه
    انا بتفق معاك في جزء كبير من كلامك لأنه وصف رائع لأغلبية الرجال والنساء لكن ليا ملحظوتين
    الاولى ان من يصاب بالحب الحقيقي سواء رجل او امرأه بيكون الى حد ما غير عقلاني في حبه بسبب سيطرة القلب والمشاعر على صوت العقل او بمعنى تاني مش كل الرجاله ومش كل الستات
    وبالنسبه لمن تحب وهي متزوجه فأكيد من البداية لم تحبه والا ما نظرت لغيره
    اما بقى الملاحظه التانية
    ف صباح الفل :)

  6. داليـ ـ ـ ـ ـ ـ ــــا says:
    24 مايو 2010 في 7:52 ص

    ياسيدى احنا تحت أمر المجله والأ بيكتبوا فيها والا بيشتروها وبيقرؤها وكفايه بقه كده ههههههه

    مش عارفه ابتدى منين بس موضوع جميل
    واتكلمت فيه صح

    بس حكاية تبقا متجوزه وتحب شخص اخر وتعمل المستحيل اى ان كان عشان حبيبها وتسيب جوزها صعبه شويه

    وانا معاك بإن المرأه لما بتحب بتحب بكل مافيها وبتفقد صوابها
    انما الرجاله أه منكم طبعا ربنا ياخد نصكم ويسبي النص التانى ههههههههههه
    بتحبوا بس اهم حاجه بتشغلوا عقولكم اكتر

    تحياتى على الموضوع الشيق ده

  7. حبيبة Says:
    24 مايو 2010 في 11:57 ص

    طبعا الموضوع لا يوصف من جماله و واقعيته و لكن عندى استفسار
    يا ترى ان المراه جبارة فى حبها و احيانا تضحى باى شئ فى سبيل حبها هل دة شئ يدينها ام يعتبر فى صالحها

  8. bosbos Says:
    24 مايو 2010 في 12:12 م
    أزال أحد مشرفي المدونة هذا التعليق.
  9. نفسى تفرح بيا يارب(الشهاب) says:
    24 مايو 2010 في 5:18 م

    متقف معك
    فى جمله ما قلته
    وخلاصته
    الرجل=عقل
    المرأه=قلب
    من هنا الاثنان يكتملان
    موضوع رائع

  10. sweet angel says:
    24 مايو 2010 في 11:43 م

    السلام عليكم

    توصيفك لحب المرأه والرجل يستحق الاشاده بحق

    بالنسبه للمرأه التي تحب غير زوجها وتفعل المستحيل للحصول على حبها فهذه حالات شاذه في عالم البشر الطبيعيين

    تحياتي لقلمك

  11. باحث عن حب says:
    25 مايو 2010 في 6:02 م

    المووضوع وما فيه
    ان الراجل معروف بعقله
    والست بقلبها وعواطفها

    والما الولد بيحب بيفكر والبنت
    العواطف التى تتحكم فيها بس مش كلهم اقصد
    الراجل يكمل المراه
    عقل
    وقلب

  12. مجرد انسان says:
    25 مايو 2010 في 7:56 م

    ساسو
    يا رب دايما تعجبك كتاباتى ومتزهقيش
    وانا معاكى طبعا فان المراه هى ارق مخلوق والا مكنتش بحبهم كلهم ههههههههههههه
    بحييكى جدا والله ويا رب يدوم الود دايما

  13. مجرد انسان says:
    25 مايو 2010 في 8:03 م

    مهموهه
    والله ليكى وحشه
    انا اسف على تاخير ردى بس بسبب انى مشغول جدا وداحل على امتحنات دعواتك معايا باه
    اما عن المجله فملهاش موقع الكترونى لانه مينفعش يكون ليها وده طبعا بسبب المبيعات ومكاسب المجله
    بس ليها جروب او معجبينها عاملين ليها جروب على الفيس بوك لو ليكى اكونت هناك اكيد هتشوفيها
    وانا لما اتكلمت عن المراه عممت صحيح بس زى مقولتى فيه وفيه
    يعنى فيه اللى بتحكم عقلها قبل قلبها
    بس اسمحيلى نادر جدا لما تلاقى واحده كده
    وطبعا كلعاده مش عارف اشكرك ازاى يا مها على كلامك الجامد ده بس فعلا انتى اللى فنانه حقيقيه وكتاباتك تشهد بده
    تحياتى القلبيه

  14. مجرد انسان says:
    25 مايو 2010 في 8:09 م

    الحب الجميل
    مبدئيا وبصراحه انتى فعلا اكتر رد متفق معايا ووصل للى عايز اقوله
    فعلا المراه متقنه جدا فى الحب وممكن تعمل اى شىء فى سبيل حبها يعنى بتلغى عقلها زى برضه ما قولتى
    وفيه ملاحظه ان مش معنى كده انها هبله ههههههههه
    وبقول كده لان جالى ايميلات بتقولى انت تقصد ان المراه هبله
    فانا مش اقصد كده خالص دنا والله بحبهم هههههههه
    ثانيا
    انا بجد بحييكى جدا على رايك بالنسبه للست اللى بتحب على زوجها
    هى خيانه طبعا وحرام
    بس لازم نشوف ليه هى عملت كده
    اكيد فيه حاجه غلط فى حياتها ومحستش بالحب اللى حبته للشخص الاخر
    بحييكى جدا ولكى منى ارق الامنيات

  15. مجرد انسان says:
    25 مايو 2010 في 8:13 م

    ليلة شتاء
    جيرالدى قال
    الشباب يتمنون الحب فالمال فالصحه
    ولكن سيجىء اليوم الذى يتمنون فيه الصحه فالمال فالحب
    وبعدين اشار ان كان قصده على المراه بالذات
    والله اعلم بنيته باه والحدق يفهم زى مبيقولوا
    تحياتى وشكرا على مرورك الكريم

  16. مجرد انسان says:
    25 مايو 2010 في 8:15 م

    صباح الفل
    وحشنى كلامك والله مع انه مش بيتفق معايا بس لازم احترم رايك باه هعمل ايه
    وزى مقولتى فيه اللى كده وفيه اللى كده
    تحياتى القلبيه

  17. مجرد انسان says:
    25 مايو 2010 في 8:20 م

    داليا
    والله يا داليا انا والمجله اللى تحت امرك ولو عايزاها تقفل من الصبح نقفلها يا ستى واى خدعه
    انتى قولتى لما تكون واحده متجوزه وتحب حد تانى وتسيب جوزها بتكون صعبه
    طيب مش بتسمعى ان فيه واحده قتلت جوزها عشان عشيقها طب ده ايه؟
    بغض النظر عن انه خيانه
    هى عملت كده ليه وعشان مين
    عشان حبيبها وحبها
    وعشانهم كسرت كل الحواجز وضحت بكل حياتها عشان حبها
    وطبعا انا معاكى ان المراه لما بتحب بتحب بجد ويمكن تكون مخلصه اكتر من الراجل
    اما ان ربنا ياخد نص الرجاله فياريت اكون من النص اللى هيعيش حتى افضل لحد متجوز ههههههه
    تحياتى ليكى يا داليا ويدوم الود دايما يا جميل

  18. مجرد انسان says:
    25 مايو 2010 في 8:23 م

    حبيبه
    انتى سالتينى سؤال حلو اوى ومحير جدا
    بس هقولك على حاجه
    ممكن المراه لما تحب تعمل كل حاجه واى حاجه لدرجة انها ممكن فى يوم من الايام انها تندم على اللى عملته وبكده يكون الحجات اللى عملتها عشان حبها ادانتها
    لكن برضه بتتوقف على الشخص اللى بتحبه
    يعنى لو كويس خلاص مفيش اى ادانه
    وبعدين هى محكمه هههههههه
    تحياتى ليكى ويدوم التواصل يا حبيبه

  19. مجرد انسان says:
    25 مايو 2010 في 8:24 م

    الشهاب
    الرجل=عقل
    المرأه=قلب
    بيتهيالى انت جبت من الاخر وطبعا كلامك صح الصح
    ومفهومه جدا
    تحياتى ليك ويدوم التواصل

  20. مجرد انسان says:
    25 مايو 2010 في 8:27 م

    sweet angel
    اشكرك جدا على شهادتك اللى طبعا افتخر بيها
    ويارب دايما افضل كده عند حسن ظنك
    تحياتى ليكى ويدوم التواصل دايما

  21. مجرد انسان says:
    25 مايو 2010 في 8:28 م

    محمود(باحث عن حب)
    انت طبعا كلامك صح ومفهوم جدا يا باشا
    ويدوم التواصل دايما يا رب
    تحياتى ليك

  22. entrümpelung wien says:
    26 سبتمبر 2012 في 2:07 ص

    شكرا لكم .. دائما موفقيين ..))
    entrümpelung
    entrümpelung wien

إرسال تعليق