ليه؟؟؟؟؟؟

ليه كتير بحس ان فيه حاجه غلط بس مش عارف ايه هى ومش عارف اصلحها
ليه من جوايا دايما حزين وبحس ان قلبى ضعيف ومش بايدى اغيره
الناس كتير فيهم اللى بيتغير وفيهم اللى بيفضل زى ماهو
لكن مع نفسى حاولت اتغير كتير ومعرفتش وفضلت زى منا
نفس الشخص اللى بيحب الاعده لوحده
نفس الشخص اللى دايما صديقه هو قلمه
نفس الشخص اللى بيحاول كل لحظه انه يهرب من حزنه
نفس الشخص اللى ابتدى يسال نفسه ويقول ليه
ليه لما بمشى فى الشارع واشوف واحده ست كبيره وغلبانه وبتبكى انهار وادمر واحس بالظلم
ليه لما ابص فى عيون طفل فقير نفسه فى حجات كتير بس مش قادر لازم قلبى يتحطم
ليه لما افوت على اى قهوه والاقى شباب مصر كله عايش فيها احس بالحسره وافول يا خساره
ليه لما اشوف بنت زى القمر بس لبسها مقطع وبتحاول تكسب اى قرش بالشحاته لازم ابص الناحيه التانيه واتالم
ليه دايما بحلم انى اكون مكان الريس عشان ارجع شباب مصر اللى فى الغربه بس دايما افوق بسرعه بصدمه
ليه يا رب خلقتنى ضعيف بيصعب عليا الناس ومخلقتنيش انسان بيقدر يطنش وميحطش فى دماغه
مش بعترض يا رب على خلقتك والله بس كان نفسى اكون حد تانى
حد قلبه جامد يمشى فى اى مكان ومياخدش باله من الناس الغلابه اللى بشوفهم كل يوم
حد قلبه جامد ميهتمش بكام شاب وكام عيله اتغربوا ورا لقمة العيش
حد قلبه جامد يقدر يسرق ويلم فى فلوس وميفكرش انها ممكن تكون لناس محتاجنها
حد ميفكرش ويقول انا نايم شبعان يا ترى غيرى نايم جعان ولا مش لاقى ياكل كالعاده
غيرنى يا رب لانى كل يوم بيزيد حزنى
غيرنى لانى حاسس ان مفيش خلاص امل
مفيش امل ان الدنيا تتصلح ويتعدل ميزانها
مفيش امل ان يحصل تغيير يخلى كل الناس متفائله

23 Response to "ليه؟؟؟؟؟؟"

  1. ليله شتاء says:
    11 مايو 2010 في 12:08 ص

    السلام عليكم ورحمة الله وبركاته

    أستسلامك لأحزانك هى مصدر ضعفك فلا تقنتوا من رحمة الله

    ومعرفة أخطائك بداية محاولات التغير للأحسن
    الشعور بالمشكلة بداية لحلها

    لما بتمشى في الشارع وتشوف عجوز أو فقير وتبكى وتشعر بالظلم ناتج عن أنك تشعر بالأخرين وما أرعها صفة تنقى النفس وتدفعها للخير وتهذبها للرضى بما فضلنا به الله

    **********

    كلماتك جميلة ومن الواقع جداااااااا

    دام قلمك

  2. ليله شتاء says:
    11 مايو 2010 في 12:11 ص

    أسفة بس في عندى ملوحظتين على جنب

    وممكن حذفهم طبعا كما تشاء

    رابط مدونتى لا يظهر جديد المدونة ومتوقف على بوست أغلقت حجرتي

    تعليقات البوست قبل البوست مش بعده

    سعيدة بمرور حضرتك بالمدونة واتمنى دوام التواصل

  3. حياه بلا عنوان says:
    11 مايو 2010 في 3:11 ص

    السلام عليكم ورحمه الله وبركاته
    الموضوع فعلا جميل قوى
    بس طول ماربنا موجود ان شاء الله هيكون فى أمل وفى تعديلات بس الواحد بيصبر نفسه شويا علشان اللى بنشوفو فعلا كتير قوى قوى
    تحياتى

  4. BNT ELISLAM says:
    11 مايو 2010 في 2:14 م

    بدايه المواجهه هى بدايت التصليح

    وانى مش اشوق الشاكل كلها مره واحده بالعكس احل مشكله مشكله لو بدات كده فعلا هتتخل كلها
    وبعدان مش مطلوب من كل انسان انه يغير الكون كله كفاه انى يعمل اللى عليه وينصح ويلفت نظر غيره والباقى على ربنا وبعد طول مافى بكره وانت عندك مبداء انك عاوز تتغير وتساعد فى تغير اللى حوليك فى اكيد فى امل

  5. داليـ ـ ـ ـ ـ ـ ــــا says:
    11 مايو 2010 في 3:48 م

    يااااااااااااااه
    حاسه انك اخدت القلم منى وكتبت الكلام ده

    بس تعرف هقلك حاجه
    طمن قلبك على الناس دى الغلابه
    لأنهم وبإذن ربك فى الفردوس الأعلى

    صحيح ممكن يكونوا خسروا الدنيا
    بس فى حاجه اسمها الأخره بإذن ربك هيكسبوها

    تحيه لقلبك الطيب

  6. مهموهة أحمد says:
    11 مايو 2010 في 4:42 م

    لا يا محمد
    لازم تكون كده
    ربنا خلق ناس قلبها جامد و دول عقابهم عند ربنا كبير
    احنا ناس قلبها ضغيف لما بنشوف الناس دي
    و ربنا خلقنا كده علشان لو معانا حاجة حتى لو على القد يبقى نساعدهم
    يعني ما تبقاش من ابو قلب جامد
    و من ابو قلب ضعيف كده

    يعني اكيد مادام فيه فقير
    يبقى ربنا يرزقه بواحد قلبه حنين علشان يديله لقمة او قرش
    و الا صدقني كان زماننا بناكل بعضنا اكتر من كده

    بس و الله يا محمد الدنيا لسة فيها شوية خير
    بس نقول يا رب و نغير من نفسنا
    يا رب

    ليك وحشة و الله يا محمد
    يا رب اسمع عنك كل خير يا رب

    خالص تحياتي و تقديري

  7. well says:
    11 مايو 2010 في 10:11 م

    عارف ليه ..علشان انت انسان
    تحياتى لانسانيتك
    فى امل للتغير ..والدليل قول الحق تبارك وتعالى: أعوذ بالله من الشيطان الرجيم: ((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))[الرعد:11]
    وعاوز اقولك حاجة عن تجربة ..الوحدة شئ وحش ..اخرج ..اهرب

  8. إمرأه من ثلج says:
    12 مايو 2010 في 10:58 ص

    الدنيا اكيد هتتغير
    واكيد فى امل طلما مو جود فيها انسان بمشاعر راقية اوى زيك

    ربنا يكرمك وانت فعلا انسان لان بقى قليل اوى الوقت الى بيحس بالم غيرة

    تحياتى

  9. باحث عن حب says:
    12 مايو 2010 في 1:42 م

    ليه بتزود علينا الحمل ياولدى
    ليه بتزعلنى زى ما انا كل يوم بازعل على نفسى وعلى تربيتى اللى امى وابويا ربوها ليا
    بحس انى مش مش كويس وبحس انى بحس غلط
    فى غلط
    واللى حواليا مش بيحسوا باللى انا حاسس بيه
    المدينه الفاضله
    اللى معايش نفسى جواها
    حاسس انى انا الوحيد
    اللى عايش فى المدينه دى لوحدى
    حاسس انى الوحيد اللى عايش فى المثاليه دى
    مش قلد جامد يفوت فى الحديد

    ربنا يبارك فيك
    يا
    انسان

  10. مجرد انسان says:
    12 مايو 2010 في 9:17 م

    ليلة شتاء
    انا سعيد جدا بزيلرتك لمدونتى وده شرف ليا اكيد
    ويا رب متكونش المره الاخيره

  11. مجرد انسان says:
    12 مايو 2010 في 9:18 م

    حياه بلا عنوان
    اكيد ربنا موجود وان شاء الله هيحصل تغيير للاحسن
    تحياتى وشكرا على مرورك الكريم

  12. مجرد انسان says:
    12 مايو 2010 في 9:24 م

    BNT ELISLAM
    اكيد مش فرد واحد اللى هيغير الكون بس ايد عى ايد تساعد
    ونبتدى من نفسنا عشان يحصل التغيير الصح والمطلوب
    شكرا على مرورك الدايم واللى دائما رائع

  13. مجرد انسان says:
    12 مايو 2010 في 9:26 م

    داليا
    عشان انتى انسانه رقيقه وطيبه حسيتى بالناس اللى بتكلم عنهم
    وباذن الله ليهم الجنه زى ما قولتى
    يا رب تفضلى منورانى دايما بكلامك الحلو يا داليا

  14. مجرد انسان says:
    12 مايو 2010 في 9:30 م

    مهموهه يا احلى مهموهه
    والله وحشانى وكلامك الحلو وحشنى جداااااااااااا
    متقلقيش انا زى منا لانى مش عارف اغير نفسى
    وربك اكيد زى ما بيخلق ناس قلبها حجر فبيخلق ناس قلبها طيب وحنين يحس بكل الناس
    ودعواتك انتى بس انه يحصل تغيير يخلى البلد دى احسن بكتير من ماهى عليه
    متغبيش عننا كتير يا ست مها عشان بتوحشينا مفهوم هههههه
    شكرا ليكى وبجد بتمنالك كل خير

  15. مجرد انسان says:
    12 مايو 2010 في 9:32 م

    well
    متشكر على زوقك ومرورك على مدونتى اللى دايما منورنى والله

  16. مجرد انسان says:
    12 مايو 2010 في 9:35 م

    امراه من ثلج
    مش عارف اقولك ايه
    كلامك الحلو ده بس من زوقك الراقى واحساسك المرهف اللى حس بكلامى
    واكيد فيه ناس زيى واحسن منى كتير جدا ويارب يزيدوا دايما لان بجد البلد محتاجه فئه من ده عشان يحصل شوية تغيير صح
    يارب دايما متحرمش من مرورك الكريم ده

  17. مجرد انسان says:
    12 مايو 2010 في 9:38 م

    باحث عن حب
    المدينه الفاضله
    مش انت لوحدك اللى معيش نفسك فى مدينه مفيهاش حاجه وحشه او مثاليه زى مبتقول
    كلنا نفسنا نعيش المدينه دى فى الواقع
    ويارب يجى اليوم اللى نشوف بلدنا بلد مثالى
    شكرا ليك على مرورك اللى منورنى

  18. غير معرف Says:
    13 مايو 2010 في 5:18 ص

    السلام عليكم ورحمة الله وبركاتة

    بجد حاسة انك بتكتب عنى وعن اللى جوايا

    كلمات معبرة ورائعة

    وردا على تساؤلك لعنوان المدوانة .... ليه ؟
    لأنك بكل أحاسيك دى بجد انت انسان .

    أدعوك لزيارة مدونة مجرد انسان 1 , ودوام التواصل أن شاء الله

    أحترامى وتقديرى .
    الحب الجميل

  19. مجرد انسان says:
    13 مايو 2010 في 8:11 ص

    الحب الجميل
    لانك بجد انسانه واحساسك متميز فانتى حسيتى كلامى وعرفتى بتكلم عن ايه
    انتى اللى بجد انسانه ورقيقه جدا بكلامك
    انا زورت مدونتك ومش هتكون المره الاخيره ان شاء الله لانها بجد جامده جدا
    اتمنالك دوام التوفيق والتقدم باذن الله

  20. ساسو says:
    18 مايو 2010 في 5:37 ص
    أزال المؤلف هذا التعليق.
  21. ساسو says:
    18 مايو 2010 في 5:40 ص

    كلامك جميل اوي وفعلا أثر فيا بشكل كبير اوي
    بس أنا عيزاك تتأكد من حاجه واحده ان مدام ربنا موجود فالحياه هتبقي مليانه بالتفاؤل والامل خلي عشمك في ربنا كبير ومدام قلبك صافي وحنون وبتحب الخير فكل حاجه حلوه باذن الله هتلقاها
    وانا كمان عيزاك تعرف انك احسن من اي حد
    وحب الحياه واتفائل وانت هتلاقي بكره اجمل واجمل
    تحياتي والدنيا دايما هتضحكلك

    ياريت تنورني في مدونتي

  22. مجرد انسان says:
    18 مايو 2010 في 6:13 م

    ساسو
    نورتى مدونتى والله
    واكيد عشمى فى ربنا ان كل حاجه تكون احسن ان شاء الله
    بجد بشكرك على كلامك الحلو والرقيق ويارب متكونش اخر زياره ليكى
    تحياتى

  23. entrümpelung wien says:
    26 سبتمبر 2012 في 2:07 ص

    شكرا لكم .. دائما موفقيين ..))
    entrümpelung
    entrümpelung wien

إرسال تعليق